Ai art shop

Welcome to my art Gallery

மழை என்னும் இயற்கை வரம்

 உறவுகள் உறங்காமல்,

கனவுகள் கலையாமல்,

நினைவுகள் கலங்காமல்,

சுமைகள் வலிக்காமல்,

மெல்லிய காற்று விரைந்து வர,

மலர் மொட்டுகள் விரிந்து பார்க்க,

ஏங்கி தவிக்கும் தேனிக்கூட்டம்,

கதிரவனை தவிழும் மேகமூட்டம்,

வெறுமையை கருமையாக்கி,

மேகம் போர்த்திய அகன்ற வானில்,

நிறைவாக கருவண்ணம் தீட்டி,

சிறு துளிகளாய் துவங்கி,

மேகத்தை இயக்கி மயக்கி,

மண்ணை கவ்வி உலுக்கி,

பிறகு சத்தமிடுமாம்,

மழை என்னும் இயற்கை வரம்.

- பிராங்கிளின் 

Digital marketing

 

கிருமி நாடகம் உலகமெங்கும்

கிருமி நாடகம் உலகமெங்கும்,

அதை ஊதி பெரிசாக்கும் ஊடக வன்மம்,

ஏதும் அறியா மனித இனங்கள்,

அவனை அழிக்க துடிக்கும் பெரிய முகங்கள்,

இந்த உலக நாடகத்தால் மக்கள் பீதியாகி,

அவர்கள் பொருளாதாரம் பாதியாகி,

முக மூடிக்குள் பதுங்கும் மருத்துவம்,

உண்மையை மறைக்கும் தனித்துவம்,

போதுமடா போதுமடா,

ஊசிகள் போதுமடா,

உண்மை தெரிந்தும் அவற்றுக்கு பணிந்தோமடா,

உணவே மருந்து என்ற தமிழ் பொன் மொழியை,

மருந்தே உணவு என்று மாற்றி அமைத்து,

மருத்துவம் வெற்றி பெற்று,

மக்கள் தோல்வியுற்று,

நமக்கு நாமே என்ற முடிவுடன்,

காத்துக்கொள்வோம் துணிவுடன்.

- பிராங்கிளின் 

வெற்றிநடை போடும் தலைவனே!

வெற்றிப்படிகளில் கொட்டட்டும் மலர்கள்,

விலகிச் செல்லட்டும் வேற்றவர்களின் இடர்கள்,

உயர்ந்து நிற்பாய் அதில் என்ன சந்தேகம் ?

குனிந்து சென்றவர்களுக்கு இது கெட்ட நேரம்,

நீ இப்பொழுது காட்டும் படு வேகம்,

அழிந்து போகும் எதிரிகளின் யூகம் ! 

புது சரித்திரம் படைப்பாய் உன் சாதனையால் !

அது சாத்தியமாகும் நல்லவர்கள் சிந்தனையால்,

ஒவ்வொரு துறையிலும் உன் செயல்களின் உறுதி,

எல்லாம் பலதரப்பட்ட மக்கள் நலன் கருதி,

விரைவில் நாடே உன்னை திரும்பி பார்க்கும்,

அப்பொழுது முதல் அமைச்சரே சிறியது என்று எண்ணத் தோன்றும் !

உன் திட்டங்கள் செயல்கள் ஆகிறது !

எதிர் திட்டங்களோ தவிடு பொடியாகிறது !

குனிந்து தவழ்ந்த காலங்கள் கல்லறையானது,

நிமிர்ந்து நடக்கும் காலங்ளோ தமிழ் கருவரையில் உருவானது,

உன் நிகழ் கால  அசாத்யா சாதனைகள்,

பொற்காலத்துக்கு நடை போடும் திருப்பு முனைகள்,

தமிழ் வீட்டை காத்த நல்ல நேரம்,

நம் நாட்டை காக்க உனக்கு எந்நேரம் ?

ஏங்கி தவிக்கும் தமிழ் இனமே,

உன் தவிப்புக்கு விடிவு வந்தது இட்சணமே !

- பிராங்கிளின் 

தமிழனே உயர்ந்து நில்

குடியரசு தின அணிவகுப்பிலே,

தமிழ் நாடு இல்லை என்ற கொதிப்பிலே,

தவித்ததோமடா அந்த நினைப்பிலே,

அதிகாரமும் அகங்காரமும் கைகோர்த்தது,

தெற்கில் பலர் கை துடித்தது,

இருட்டு ஆட்சியின் கோர தாண்டவம்,

அழிய காத்திருக்கும் உன் ஆணவம்,

வடக்கு என்றும் எடக்கு முடக்கு,

தெற்கோ நாட்டிற்கு ஒளி விளக்கு,

உன் குருட்டு கண்களில் மறையும்,

எங்கள் தியாகங்கள் எப்படி தெரியும்?

அலட்சியம் செய்தால் எங்களை, அடக்குவோம் இறுதி வரை உங்களை,

பொறுத்திருந்து பார் அரசே,

தமிழன்  முழங்குவது வெற்றி முரசே !!

- பிராங்கிளின் 

My Quote

அன்பு வெள்ளத்தில் நாங்கள்

 

A Ted video

 

Owls guard vineyards

 DAMN SAFETY BILL !!

தலையங்க நாயகன் தளபதியே !

தலையங்க நாயகன் தளபதியே,

உன் சிங்கத்தலைமை தமிழனுக்கு வெகுமதியே,

வெற்றி கொண்டாய் வீரனாய்,

எங்களை பற்றி கொண்டாய் அன்பனாய்,

பிரமாண்டமான உன் துவக்கம்,

எதிரிக்கு தந்தது மீளா துக்கம்,

சாவல்கள் பல இருக்கு நமக்கு,

அதை முறியடிப்பாய் நன்றி உனக்கு,

உழைப்புதான் உனக்கு மலர்கிரீடம்,

பலர் பிழைப்புக்கு அது வைத்தது முட்கிரீடம்,

பாசிசம் என்னும் அறக்கனை வென்றாய்,

அதை ஸ்டாலினிசம் மூலம் கொன்றா

வாக்குத்தவராத உன் ஆட்சி,

வாக்குவாதம் செய்வோரை மடக்கியாச்சு,

நிறுத்தினாய் உன் செங்கோலை,

அந்த வேகத்தில் சாய்த்தாய் ஒரு ஆதிக்க வேலை,

சமூக நீதியை உயரத்தினாய் திராவிட கரத்தால்.

மக்கள் பீதிகளை குறைத்தாய் இறைவன் கொடுத்த வரத்தால்,

மக்கள் செல்வாக்கு என்றும் உண்டு உனக்கு,

அதை மாறாமல் தந்தது எங்கள் வாக்கு,

என்றும் அயராது உழைக்கும் இளைஞன் நீ,

நாடு போற்றும் அரசியல் கவிஞன் நீ,

உன் மிடுக்கு தந்தது அனைவருக்கும் துடிப்பு,

அதனால் கெட்டது பலரின் இடைவிடா நடிப்பு,

நன்று அமைத்தாய் பொருளாதார வெற்றிப்படை,

அது வரப்போகும் சாவல்களுக்கு ஒரு இன்றியமையா கழக விடை,

வந்துட்டாரே ! என்ற அனைவர் குரல் ஒங்க!

தனந்துட்டாரே ! என்று எங்கள் உரிமைகள் முழங்க !

முன்னெறி செல்வோம் உன் உயர்ந்த தலைமையில், 

எங்கள் கனவுகள் பலிக்கட்டும் இந்த இன்ப அதிர்ச்சியில் !

சிறக்கட்டும் உன் திராவிட ஆட்சி,

நாங்கள் யாவரும் அதற்கு முழு சாட்சி !

- பிராங்கிளின் ஸ்டான்லி

நண்பனுக்கு !

பக்கம் பாக்காம எழுதும் என் நண்பா,

கல்லூரி பருவம் ஒரு முக்கிய பக்கம்,

பிரிவிற்கு பிறகு....

நடுவில் ஒரு பக்கத்தை காணோம்  !

பிறகு பக்குவப்பட்டோம்,

ஒன்று இணைந்தோம் ஒரு பக்கமாய் !

இப்பொழுது நமக்கு உகந்த பக்கம் !

நாம் பக்கத்தில் இருப்பது !

மகிழ்ச்சி !

- பிராங்கிளின் 

இந்தியப் பெண்ணின் சாதனை

பெண்ணே நீ ஹாக்கியை தூக்கிய தாக்கம்,

அளித்ததே ஒவ்வொரு இந்தியனுக்கும் ஊக்கம்,

அறை இறுதியில் முழு மூச்சு,

அதுவே உன் மன உறுதிக்கு பெரும் சாட்சி,

பதக்கம் இல்லை.. ஆனால் வருத்தமும் இல்லை,

உன் விடா முயற்சிக்கு எல்லையும் இல்லை.

வீழ்ச்சியில் வீரம் கக்கினாய்,

நீர்வீழ்ச்சி போல் உன்னை இயக்கினாய் !

என்றும் உன் வீரம் வெல்லும்,

பொறுத்திரு.. உன் இலக்கு உன்னை தூக்கி செல்லும் !

- பிராங்கிளின் 

சிந்துவின் சாதனை

சிந்துவே ஒரு தங்கம் என்று ஏற்போம்,

அவள் வென்ற வெங்கலத்தை காப்போம்,

அவள் ஒரு இந்திய சாதனை,

அவள் வெற்றி நமக்கெல்லாம் ஒரு போதனை,

நம் சிந்தனையை மாற்றினாள் சிந்து,

உலகமே பார்க்குதே அவளை வியந்து !

- பிராங்கிளின் 

எங்கள் அன்பு கலாமே...

எங்கள் அன்பு கலாமே...

நீ மனதில் வாழ்ந்த காலமே,

உறவுக்கு உயிர் கொடுத்தாய்,

உயிருக்கு உணர்வு கொடுத்தாய்,

எங்கள் ஜனத்துக்கு அதிபதி,

இந்திய கனவுக்கு விடிவெள்ளி,

விண்வெளியை திறந்தாய்.. மகிழ்ந்தோம்,

ஆனால் ராக்கெட் வேகத்தில் ஏன் மறைந்தாய் ?

நீ பாரதத்திற்கு ஒரு எழுச்சி...

அதுவே எங்களுக்கு என்றும் மகிழ்ச்சி..

நீ ஒரு இந்திய கனவு,

அது இன்று எங்கள் வாழ் நாளில் ஓர் அரிய நினைவு !

- பிராங்கிளின் 

நண்பர்களுக்கு சமர்ப்பணம்

உயரிய நட்பு நண்பனே,

அதற்கு உரிய பெருமை தந்தவனே,

உள்ளத்தில் அன்பு குறையாது,

என்றென்றும் நிறைவாய் நிற்பவனே,

நம் மனசு, அது அல்ல புதுசு,

ஆனால் இப்பொ ஓரு தினுசு..

ஓய்வு பெற்றபின் கேட்குது சொகுசு !

விடைபெற்றோம் அன்று, பெருமையுடன்,

காத்திருந்தோம் பொறுமையுடன்,

காலம் நீண்டது,.. வாழ்கை தொடர்ந்தது,

அடைந்தோம் இனிய நிகழ் காலத்திற்கு,

மறுபடியும் கலந்தோம்...

ஒரு வகையில் கல்லூரி ஓர் உறைவிடம் என்றால்..

வாட்சப் தந்தது தனி இடம்,

நன்றி என் அன்பு இதையங்களுக்கு.

- பிராங்கிளின் 

நாட்டு நிலைமை

நேருவின் பொற்காலங்களை மறந்தோம்,

நமக்கு வேண்டிய சுதந்திரத்தை இழந்தோம்,

பொருளாதாரம் சரிந்து சீர் குலைந்தது,
விலைகள்  வானலாவி உயர்ந்தது,

மக்கள் சகிப்புத் தன்மைக்கு சோதனை,
ஏழை எளிய மக்களுக்கோ வேதனை,

ஓட்டை ஆட்டை  போட்டவர்கள்,
நாட்டை கூறு போடுகிறார்கள்,

வெல்பவன் சூழ்ச்சியால் வீழ்ந்தான்,
வென்றவன் நாட்டையே கவிழ்த்தான்,

வேறு வழி என்ன சொல்லுங்கள்?
நீதி அரசர்களும் செவிடான பிறகு?

பொறுமை கொண்டு

காத்திருப்போம் கண்ணியத்துடன்,
காலம் திரும்பட்டும் நல்லவர் புண்ணியத்துடன்.

- பிராங்கிளின்

உள்ளம் மகிழ பக்ரீத்

உள்ளம் மகிழ பக்ரீத்,

நட்பு பெருக பக்ரீத்,

இல்லம் சிறக்க பக்ரீத்,

இல்லறம் செழிக்க பக்ரீத்,

எண்ணங்கள் இணைக்க பக்ரீத்,

பல வண்ணங்கள் அளிக்கும் பக்ரீத்,

குறைவை  நிரைக்கும் பக்ரீத்,

மன நிறைவை  கொடுக்கும் பக்ரீத்,

பகிர்வோம் இம் மகிழ்ச்சியை !

பறைச்சாற்றுவோம் பக்ரீத் மகிமையை !

- பிராங்கிளின்

Teacher's day

DEDICATED TO TEACHERS

Teachers are God sent to amend,

When their teachings are to guard and mend.

They push you up the ladder of life,

But prefer to remain aground for life. They remain selfless gems,

To create priceless diamonds.

They erase dents in students,

To get the grace from God.

They hold the highest profession,

To remain the asset to any nation,

They are the beacon of light,

Bring hope to millions in plight.

Do we have a just a day to celebrate for them?

Let us give all the days for them !

 - Franklyn Stanley ( Student )